Густариши ҳамкориҳои иқтисодӣ бо Украина

Февраль 12, 2013 16:12

Душанбе, 12 феврал. (АМИТ «Ховар», Дилшодаи Хайруллоҳ). — Имрӯз дар Вазорати энергетика ва саноати Ҷумҳурии Тоҷикистон мулоқоти вазири энергетика ва саноати Ҷумҳурии Тоҷикистон Гул Шералӣ бо Сафири фавқулодда ва мухтори навтаъйини Украина дар Тоҷикистон В.Никитюк баргузор гардид. Дар мулоқот масъалаҳои ҳамкориҳои дуҷониба дар соҳаи энергетика , соҳаҳои мошинсозӣ, саноати сабук, маводи сохтмон, саноати хӯрокворӣ ҳолати кунунӣ ва рушди минбаъдаи ҳамкориҳои тиҷоратию иқтисодӣ, илмию техникӣ мавриди баррасӣ қарор дода шуд.«Ҳамкориҳои дуҷонибаи мо асосан аз густариши ҳамкориҳои иқтисодӣ вобаста буда, дар ин самт кор бурдани мақомот ва сохторҳои марбута, аз ҷумла дар доираи Комиссияи муштараки байниҳукуматии Тоҷикистону Украина мувофиқи мақсад мебошад» — гуфт Гул Шералӣ.«Ҷониби Украина ҳамкориҳои дуҷонибаро бо Ҷумҳурии Тоҷикистон аз масъалаҳои қобили таваҷҷуҳ арзёбӣ намуда, изҳори итминон намуд, ки минбаъд низ чунин ҳамкориҳо дар самтҳои гуногун густариш хоҳанд ёфт» — зикр кард сафир. Дар ин бора аз котиботи Вазорати энергетика ва саноати Ҷумҳурии Тоҷикистон хабар доданд.

Февраль 12, 2013 16:12

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд