Густариши ҳамкориҳои судманд

Душанбе, 12 феврал. (АМИТ «Ховар», Покиза Маҳмадбекова). — Имрӯз дар Душанбе мулоқоти муовини вазири рушди иқтисод ва савдои ҶТ Умед Давлатзод бо сардори Раёсати таҳлилии Бонки рушди Авруосиё Элла Байбикова сурат гирифт.  Ба мухбири АМИТ «Ховар» аз хадамоти матбуоти вазорати мазкур иттилоъ доданд, ки масъалаҳои иқтисод ва тиҷорат, энергетика ва саноат, кишоварзӣ, дастгирии бахши хусусӣ, рушди фаъолияти минтақаҳои озоди иқтисодӣ ва ҷалби сармоя ба соҳаҳои афзалиятнок аз мавзуъҳои калидии суҳбати У.Давлатзод бо хонум Э. Байбикова маҳсуб гардид. Элла Байбикова изҳор дошт, ки мо омодаем баҳри рушди иқтисоди миллии Тоҷикистон дар татбиқи лоиҳаҳои ҳаётан муҳими он саҳми назарраси худро гузорем. Дар интиҳои мулоқот ҷонибҳо атрофи масъалаҳои ҷорӣ ва дурнамои ҳамкориҳо дар соҳаҳои мухталиф ибрози назар намуданд.