Иҷлосияи роҳбарони агентиҳои иттилоотии ИДМ

Душанбе, 25 феврал. (АМИТ «Ховар»). – Имрӯз, 25 феврал, дар шаҳри Боку иҷлосияи ХУ1 Шӯрои роҳбарони агентиҳои иттилоотии давлатии кишварҳои Иттиҳоди Давлатҳои Мустақил идома дорад.Дар кори иҷлосия роҳбарони агентиҳои иттилоотии Озарбойҷон, Қазоқистон, Русия, Беларус, Қирғизистон, Украина, ҳамчунин намояндагони Кумитаи иҷроияи ИДМ иштирок доранд.Рӯзномаи иҷлосия иборат аз фаъолияти Шӯрои иттилоотии ИДМ, масоили омодагӣ ба 70 – солагии Ғалаба дар Ҷанги Бузурги Ватанӣ, ҳамкории агентиҳои иттилоти давлатӣ дар чаҳорчӯбаи консепсияи Раёсати Беларус дар ИДМ дар соли 2013 мебошад. Ҳамчунин фаъолияти дурнамои Ассотсиатсияи агентиҳои иттилоотии давлатҳои аъзои Иттиҳод ва лоиҳаҳои ҷории, Шӯрои иттилоотии давлатҳои аъзои ИДМ мавриди муҳокима қарор мегиранд.Иштирокдорони иҷлосия, ҳамчунин масоили ташкилиро мавриди баррасӣ қарор дода, макону замони доир намудани иҷлосияи ХУП – ро муайян мекунанд.Қобили зикр аст, ки Шӯрои иттилоотии ИДМ моҳи ноябри соли 1995 барои танзими ҳамкорӣ дар бахши иттилоот таъсис ёфта буд, ки ба ҳайати он роҳбарони хадамоти давлатии иттилоотии Озарбойҷон, Арманистон, Беларус, Қазоқистон, Қирғизистон, Молдова, Русия ва Тоҷикистон шомиланд.