Идомаи бунёдкориву созандагиҳо

Шаҳристон, 28 феврал. (АМИТ «Ховар», С. Маҳкамов).-Дар ноҳияи Шаҳристон доир ба ҷамъбасти натиҷаҳои рушди иқтисодиву иҷтимоии мамлакат дар соли 2012 ва вазифаҳо барои соли 2013 бо иштироки раиси ноҳия Н. Муқумов ва фаъолони ҷамоатҳои деҳоти Шаҳристон ва Бунҷикат доир ба татбиқи дастуру супоришҳои Президенти Ҷумҳурии Тоҷикистон Эмомалӣ Раҳмон ҷаласаи васеъ доир гардид. Раиси ноҳия доир ба нишондиҳандаҳои рушди соҳаҳои хоҷагии халқ, ҷамъбасти тараққёти иқтисодию иҷтимоии ноҳияи Шаҳристон дар соли 2012 ва вазифаҳои соли ҷорӣ сухан гуфт. Зикр шуд, ки соли 2013 идомаи соли бунёдкориву созандагиҳо буда, ҳар як фарди ноҳияро водор менамояд, ки баҳри афзун намудани муваффақиятҳо, ободу зебо гардонидани диёр саҳми арзандаи хешро гузорад.