Имзои Созишномаи тартиби будубоши шаҳрвандони ҶТ дар ФР

Февраль 8, 2013 14:38

Душанбе, 8 феврал. (АМИТ «Ховар», Лутфия Эшонкулова).- Имрӯз миёни Ҷумҳурии Тоҷикистон ва Федератсияи Россия дар бораи тартиби будубоши шаҳрвандони Ҷумҳурии Тоҷикистон дар ҳудуди Федератсияи Россия созишнома ба имзо расид.Созишномаро аз ҷониби Ҷумҳурии Тоҷикистон Сардори Хадамоти муҳоҷирати назди Ҳукумати Ҷумҳурии Тоҷикистон Сафиало Девонаев ва аз ҷониби Федератсияи Россия Роҳбари Хадамоти Федералии муҳоҷирати Россия Константин Ромодановский ба имзо расонданд.Дар расми имзои созишнома Сафири Ҷумҳурии Тоҷикистон дар Федератсияи Россия Абдумаҷид Достиев, роҳбари Намояндагии Хадамоти муҳоҷирати назди ҲҶТ дар Федератсияи Россия Асрор Одинаев ва намояндагони ВАО ширкат доштанд. Дар асоси ин созишнома шаҳрвандони Ҷумҳурии Тоҷикистон, ки муваққатан дар қаламрави Федератсияи Россия қарор доранд, аз ўҳдадории бақайдгирӣ дар макони будубош дар мақомоти салоҳиятдори Федератсияи Россия ба муддати 15 рўз озод карда мешаванд. Айни замон ин муддат 7 рӯзро дар бар мегирад.Сардори Хадамоти муҳоҷирати назди Ҳукумати Ҷумҳурии Тоҷикистон Сафиало Девонаев имзои созишномаро иқдоми муҳим дар самти ҳамкориҳои Тоҷикистону Россия бобати танзими равандҳои муҳоҷират арзёбӣ намуда, ҳамаи он тадбирҳое, ки барои беҳдошти шароити будубоши шаҳрвандони Тоҷикистон андешида мешавад, нишони таваҷҷӯҳи роҳбарияти Ҳукумати Ҷумҳурии Тоҷикистон, бахусус Сардори давлат Эмомалӣ Раҳмон маънидод кард.Бояд қайд намуд, ки асоси ин созишнома баъдаз тасмими сарони давлатҳои Тоҷикистону Россия Эмомалӣ Раҳмон ва Владимир Путин моҳи октябри соли 2012 , зимни сафари расмии Президенти ФР ба Тоҷикистон бо имзои Ёддошти тафоҳум оид ба иқдомҳо байни Ҷумҳурии Тоҷикистон ва Федератсияи Русия дар бораи рушди ҳамкориҳо дар соҳаи муҳоҷират гузошта шуда буд.Дар ин бора ба АМИТ «Ховар» котиби матбуоти намояндагии Хадамоти муҳоҷират дар Федератсияи Россия хабар дод.

Февраль 8, 2013 14:38

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд