Истеҳсоли маҳсулоти рақобатпазири пластмассӣ
Душанбе, 6 феврал. (АМИТ «Ховар», Дилшодаи Хайруллоҳ).- Соли 2012 5 коргоҳ ва 5 корхонаҳои истеҳсоли маҳсулоти пластикӣ, аз ҷумла ҶДММ «Равзана пластик» ҶДММ «Стар Пласт», ҶДММ «Алфа Пет», ҶДММ «Суперпласт плюс» ва ҶММ «Суғд Пласт» ба истеҳсоли маҳсулоти пластмассӣ, аз қабили профилҳои пластмассӣ, зарфҳои пластмассӣ, плёнкаи полиэтиленӣ, пенопористероли сохтмонӣ, сатил ва тағораҳои полиэтиленӣ, борхалтаҳои полиэтиленӣ, қуттиҳои пластмассӣ барои рангҳои сохтмонӣ оғоз карданд. Таҷҳизот ва хатҳои технологие, ки дар корхонаҳои мазкур насб гардидаанд, истеҳсоли Олмон, Австрия, Туркия ва Чин буда, маҳсулоти истеҳсолии онҳо ба стандартҳо ва меъёрҳои байналмилалӣ ҷавобгӯ мебошад ва дар бозори дохилӣ рақобатпазиранд. Тибқи иттилои котиботи Вазорати энергетика ва саноати ҶТ дар айни ҳол, шумораи умумии корхонаҳои истеҳсоли маҳсулоти пластмассӣ дар ҷумҳурӣ ба 14 адад расидааст ва дар соли 2012 ба маблағи 50,5 млн. сомонӣ маҳсулот истеҳсол намуданд, ки назар ба ҳамин давраи соли 2011 19,0 млн. сомонӣ зиёд мебошад. Шумораи коргарон дар маҷмуъ дар ин корхонаҳо 400 нафарро ташкил медиҳад.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






