Маҳфили адабӣ бахшида ба фарҳанги Покистон

Душанбе, 28 феврал. (АМИТ «Ховар», Ибодат Давлатова). – Бо ибтикори Сафорати Ҷумҳурии Исломии Покистон дар Ҷумҳурии Тоҷикистон ва роҳбарияти Донишгоҳи давлатии тиббӣ ба номи Абӯалӣ ибни Сино дар донишгоҳи мазкур бахшида ба мусиқӣ ва фарҳанги Покистон маҳфили адабӣ баргузор гардид. Тавре ки аз Донишгоҳи давлатии тиббии Тоҷикистон ба АМИТ «Ховар» хабар доданд, ректори донишгоҳ Убайдулло Қурбонов зимни суханрониаш аҳамияти ин чорабиниро дар таҳкими равобити дӯстонаи байни халқҳои ҳар ду кишвар таъкид сохт.Дар анҷоми маҳфил сурудҳои халқии ҳар ду кишвар танинандоз гардида, намоишгоҳи эҷодиёти мардумии Покистон баргузор шуд.