Маҳфили Равшани Махсумзод дар Китобхонаи миллӣ

Душанбе, 28 феврал. (АМИТ «Ховар», Баҳманёр Муродов).- Дар Китобхонаи миллии Тоҷикистон бо иштироки кормандони Вазорати кишоварзиву дигар алоқамандон маҳфили адабӣ бо ҳузури нависандаи бомаҳорат Равшани Махсумзод баргузор гардид. Дар маҳфил вазири кишоварзии Тоҷикистон Қосим Қосимов низ иштирок намуда, дар суханронияш ба китоби «Пули сирот»-и ин нависанда, ки дар он қиссаҳову ҳикояҳо ва андешаҳо фароҳам омадаанд, баҳои баланд дод. Ҳамчунин ҳозирин ба суолҳои хеш атрофи асари «Пули сирот» аз муаллифи он посух гирифтанд. Равшани Махсумзод муаллифи китобҳои «Пули сирот», «Кафан киса надорад» ва чандин китобҳои дигар буда, навиштаҳояш аз тарафи мунаққидону нависандагони кишвар эътироф шудаанд.