Маҳсулоти корхонаҳои мошинсозӣ ба Эрону Афғонистон содир мешавад

Душанбе, 7 феврал. (АМИТ «Ховар», Дилшодаи Хайруллоҳ).- Дар давоми соли 2012 корхонаҳои мошинсозӣ, саноати мудофиа ва химия аз захираю имкониятҳо ба маблағи 238,0 млн. сомонӣ маҳсулот истеҳсол намуданд, ки назар ба соли 2011 44,5 млн. сомонӣ зиёд мебошад. Корхонаҳои соҳа дар соли 2012 ба хориҷи кишвар ба маблағи 13,3 млн. сомонӣ трансформаторҳо, симҳои металлӣ, арматураи сохтмонӣ, кунҷакҳои металлӣ, маводи таркандаи саноатӣ, плитаҳои алюминӣ ва лӯлаҳои гуногуни пластмассиро содир намуданд, ки назар ба соли 2011 3,6 млн. сомонӣ зиёд мебошад. Маҳсулоти корхонаҳои соҳа асосан ба Афғонистон, Қирғизистон ва Эрон содир мешавад. Дар ин бора аз котиботи Вазорати энергетика ва саноати Ҷумҳурии Тоҷикистон иттилоъ доданд.