Маҷаллаи нави илмӣ

Душанбе, 12 феврал. (АМИТ «Ховар», Ҳотам Рабиев).- Кормандони соҳаи маориф ва мухлисони нашрияҳои омӯзгориро боз як падидаи фараҳбахш хурсанд намуд. Бо қарори мушовараи Вазорати маорифи Ҷумҳурии Тоҷикистон дар заминаи Пажуҳишгоҳи рушди маорифи Академияи таҳсилоти Тоҷикистон маҷаллаи нав таҳти унвони «Илм ва инноватсия» таъсис ёфт ва аллакай шумораҳои нахустини он дастраси хонандагон гардиданд. Маҷаллаи тозатаъсиси «Илм ва инноватсия» минбари нави пажуҳишгарон, инъикоскунандагони навовариҳои илмҳои соҳаи маориф, таълиму тарбия дар ҷумҳурӣ буда, барои бо сифати баланд таълиф намудани барномаҳо, китобҳои дарсӣ ва дастурҳои методӣ мусоидат менамояд.