Маросими муаррифии китоби «Дар дарвозаи Шарқ»

Душанбе, 21 феврал. (АМИТ «Ховар», Кристина Эрлих). – Бо ибтикори Сафорати Русия ва Намояндагии Ҳамкории Руси дар Тоҷикистон 20 феврал дар Маркази илму фарҳанги Русия маросими муаррифии китоби таърихшиносон, журналистон ва мутахассисони бахши муносибатҳои байналмилалӣ Ирина ва Виктор Дубовитскийҳо, ҳамчунин Ғафур Шерматов «Дар дарвозаи Шарқ» баргузор гардид.Роҳбари Намояндагии ҳамкории Русия дар Тоҷикистон Владислав Курнушко зимни суханрониаш зикр намуд, ки китоби «Дар дарвозаи Шарқ» ҳанӯз соли 2011 ба забони русӣ чоп шуда, сипас бо ибтикори раиси Шӯрои директорони Ҷамъияти саҳҳомии пӯшидаи «ТАДЭС» Нуралӣ Ниёзов ва бародари ӯ Умаралӣ Ниёзов ба забони тоҷикӣ тарҷума ва нашр гардид. Дар маросими муаррифӣ зикр шуд, ки мавзӯи китоб асосан иборат аз лаҳзаҳои ҷанг ва корнамоиҳои ҷанговарон дар солҳои Ҷанги Бузурги Ватанӣ мебошад.