Машғулиятҳои тайёрии қумондонӣ

Душанбе, 20 феврал. (АМИТ «Ховар», Дилшодаи Хайруллоҳ).- Роҳбарияти созмони мудофиавии Тоҷикистон ба масъалаи баланд бардоштани малакаи касбии хизматчиёни ҳарбӣ таваҷчӯҳи асосӣ зоҳир намуда, дар ин доира чорабиниҳои гуногуни таълимӣ ва тамриниро доир месозад.Чунин як ҷамъомади дурӯза бо ҳадафи дуруст азхуд намудани фанҳои асосии тайёрии қумондонӣ бо иштироки хизматчиёни ҳарбии Кумитаи марказӣ, сохторҳои сатҳи ҷумҳуриявии ТҶММ, ҷамъияти мудофиавии вилояти Хатлон, шаҳри Душанбе ва минтақаи Рашт барпо карда шуд.Дар машғулиятҳои тайёрии қумондонӣ мавзуъҳои одоби салом кардан ва сухан гуфтан, тартиби пешниҳоди арзу шикоят, оростани саф ва қабули гузоришҳо, ҷавобгарии моддию маънавии хизматчиёни ҳарбӣ, тарзи таъйини наряди шабонарӯзӣ, интизоми ҳарбӣ ва усулҳои мустаҳкам намудани он, усулҳои ташкил ва гузаронидани машғулиятҳои тайёрии сафороӣ ба иштирокдорон омӯзонида шуданд.Инчунин афсарону прапоршикони ширкатдошта бо хислатномаи асосии яроқи оташфишон ошноии мукаммал пайдо намуда, дар машқгоҳи тирпарронӣ маҳорати ҳадафи муайяншударо ба нишон гирифтани худро такмил доданд.