Маъюбон ба кишвар 2 медали тилло оварданд

Душанбе, 5 январ. (АМИТ «Ховар», С. Солеҳ).- Аз Кумитаи миллии олимпӣ ба АМИТ «Ховар» иттилоъ доданд, ки чаҳор нафар варзишгари мактаби маъюбони бахши ҷавонон, варзиш ва сайёҳии минтақаи Кӯлоб шарафи Тоҷикистонро дар Олимпиадаи махсуси зимистонаи маъюбон, ки дар шаҳри Пхёнчхани Кореяи Ҷанубӣ ҷараён дорад, ҳимоя карданд ва соҳиби ду медали тилло ва ду медали нуқра шуданд. Варзишгари тоҷик Файзидин Тӯраев оид ба намуди лижаронии кросси классикӣ дар масофаи 500 метр мақоми аввалро соҳиб гардида, медали тиллоро соҳиб шуд. Ҳусейн Хоҷаев масофаи 100 метрро аввалин шуда тай кард ва дуюмин медали тиллои дастаи мунтахаби Тоҷикистонро ба даст овард. Фарида Назарова ва Анастасия Пинкова дар рақобатҳо миёни бонувон соҳиби медалҳои нуқра гардиданд. Дастаи мунтахаби Тоҷикистон дар олимпиадаи мазкур бо роҳбарии Дилбар Каримова ва Зайниддин Давлатов сафарбар гардид. Олимпиадаи махсуси маъюбон то 6 феврал идома мекунад.