Муҳокимаи индекси ошкории буҷа
Душанбе, 20 феврал. (АМИТ «Ховар», Покиза Маҳмадбекова). — Дар шаҳри Душанбе натиҷаи таҳқиқи «Индекси ошкории буҷа» мавриди муҳокима қарор гирифт. Ин чорабинӣ бо ибтикори Вазорати молияи Ҷумҳурии Тоҷикистон ва шӯъбаи Созмони байналмилалии Пажӯҳишгоҳи «Ҷомеаи кушода» — Бунёди мадад дар Тоҷикистон ва бо маблағғузории Созмони «Ҳамкории байналмилалии буҷавӣ» роҳандозӣ шуд. Муовини вазири молияи Тоҷикистон Шафқат Соҳибов зикр намуд, ки тайи 15 соли охир дар амри воқиф намудани аҳолӣ аз маблағҳои давлатӣ кори зиёде анҷом дода шуд. Мувофиқи суханони директори иҷроияи Пажӯҳишгоҳи «Ҷомеаи кушода» Зӯҳро Ҳалимова, таҳқиқи ошкории буҷа маънои омӯзиши дақиқу муфассал, дастрасии аҳли ҷамъият ба иттилооти буҷавӣ ва имконияти иштироки шаҳрвандон дар истифодаи буҷаро дорад. Аз рӯи натиҷаи баррасии мавзӯи мазкур лоиҳаи қатънома перомуни чорабиниҳои минбаъда тарҳрезӣ шуд, ки мақсад аз он татбиқи тавсияҳои Ҳамкории байналмилалии буҷавӣ ҷиҳати беҳдошти индекси ошкории буҷаи Тоҷикистон мебошад.
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар хоҷагиҳои шаҳри Ҳисор ҷамъоварии ҳосили пахта оғоз гардид
35 СОЛИ ИСТИҚЛОЛИ ДАВЛАТИИ ТОҶИКИСТОН. Дар ин давра соҳаи обуҳавошиносӣ марҳила ба марҳила рушд намуд
35 СОЛИ ИСТИҚЛОЛИЯТИ ДАВЛАТӢ. Аз дастовардҳои созанда то иқтисоди рақамӣ ва инноватсия
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
