Муаррифии ширкати «Ҳомиёни илму технология»

Душанбе, 25 феврал. (АМИТ «Ховар», Покиза Маҳмадбекова). – Дар шаҳри Душанбе маросими муаррифии ширкати эронии «Ҳомиёни илму технология» баргузор гардид.Тавре ки аз Палатаи савдо ва саноати Тоҷикистон ба АМИТ «Ховар» хабар доданд, муовини раиси Палатаи савдо ва саноат Асаналӣ Карамалиев зикр намуд, ки ширкати мазкур соли 2011 узви палата гардид. Фаъолияти асосии ширкат иборат аз истеҳсол ва содироту воридоти пӯлод, арматураи сохтмонӣ ва ашёи хом барои тавлиди он мебошад. Роҳбари ширкати «Ҳомиёни илму технология» Нодири Мутолибзода иброз дошт, ки ҳамкорӣ дар бахши фурӯши арматура ва ашёи хоми он, ҳамчунин истеҳсоли асбобҳои пӯлодин мувофиқи тарҳрезии фармоишдиҳанда вусъат хоҳад ёфт.