Мулоқоти Эмомалӣ Раҳмон бо Игор Финогенов

Душанбе, 12 феврал. (АМИТ «Ховар»).-Имрӯз Президенти кишвар Эмомалӣ Раҳмон Роҳбари Мудирияти Бонки рушди Авруосиё Игор Финогеновро ба ҳузур пазируфт.Дар вохӯрӣ ҳолати кунунӣ ва дурнамои ҳамкории Тоҷикистон бо ин муассисаи молиявӣ, аз ҷумла рӯзномаи мизи мудаввари Ҳукумати Ҷумҳурии Тоҷикистон ва Бонки рушди Авруосиё баррасӣ шуд.Аз оғози сармоягузории ин бонк ба лоиҳаҳои дорои аҳамияти минтақавӣ дар Тоҷикистон ва дастгирии он аз бонкҳои саҳҳомии кишвар изҳори хушнудӣ карда шуд. Ҳамзамон таъкид гардид, ки имконот ва арсаҳои густариши ҳамкорӣ дар оянда хеле зиёд аст.Таъкид гардид, ки Бонки рушди Авруосиё ба сармоягузорӣ ба лоиҳаҳои судбахш дар соҳаҳои энергетика, пеш аз ҳама гидроэнергетика, кишоварзӣ, саноати коркарди маҳсулоти кишоварзӣ, бунёди инфрасохтори нақлиётӣ, сайёҳӣ ва ғайра манфиатдор аст. Ба гуфти Игор Финогенов, барои ин ҳадаф ҷудо намудани 130 миллион доллари амрикоӣ қарзи имтиёзнок дар назар аст.Зимни суҳбати пурмуҳтаво ҳарду ҷониб ҳавасмандии худро ба рушду густариши ҳамкории гуногунпаҳлӯ таъкид доштанд.Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.