Мулоқоти Н. Салимов бо намояндаи ташкилоти Оғохон
Душанбе, 16 феврал. (АМИТ «Ховар», Кристина Эрлих). – 14 феврал дар шаҳри Душанбе вохӯрии вазири тандурустии ҶТ Нусратулло Салимов бо намояндаи ташкилоти Оғохон оид ба рушд Акбар Алӣ Песнанӣ доир гардид. Дар ин бора ба АМИТ «Ховар» аз хадамоти матбуоти вазорати тандурустии ҶТ хабар доданд. Намояндагии ташкилоти Оғохон оид ба рушд дар Тоҷикистон аз соли 1993 фаъолият дорад ва то имрӯз лоиҳаҳои сармоягузории зиёдеро барои баланд бардоштани дастрасӣ ва сифати кӯмакҳои тиббию беҳдоштӣ ба аҳолии кишвар татбиқ намудааст. Мавриди зикр аст, ки ин барномаи тандурустӣ дар тамоми ноҳияҳои ВМКБ ва чор ноҳияи вилояти Хатлон- Ховалинг, Муъминобод, Шӯрообод ва шаҳри Норак амал мекунад.Дар ҳамкорӣ бо ин ташкилот 21 муассисаи тандурустии ноҳияи Рӯшони ВМКБ таъмиру таҷҳиз гардида, 26 духтур, 35 ҳамшираи шафқат ва 4 тренер азнав омӯзонида шуд. Барнома барои ифтитоҳи маркази вилоятии омӯзишию клиникии тибби оилавӣ мусоидат намуд. Дар ин марҳила фаъолияти мазкур дар навоҳии Ховалинг, Муъминобод ва Шӯроободи вилояти Хатлон ба таври густурда роҳандозӣ гардидааст. Дар хатми мулоқот зикр шуд, ки ба наздикӣ татбиқи лоиҳаи нав барои гузаронидани корҳои таъмиру таҷҳизи зиёда аз 70 муассисаи тандурустӣ ба маблағи беш аз 1,1 млн. доллари ИМА оғоз мешавад.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






