Мусобиқаи волейбол бо ширкати сарбозон
Душанбе, 14 феврал. (АМИТ «Ховар», Ибодат Давлатова).- Имрӯз бо ташаббуси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон дар толори варзишии литсеи ҳарбии Вазорати мудофиа мусобиқаи волейбол бо ширкати сарбозони мақомоти қудратии мамлакат баргузор гардид. Дар чорабинӣ 6 даста, ҳайати дастаҳои Полки комендантии Вазорати мудофиа, Гвардияи миллӣ, Қӯшунҳои дохилии Вазорати корҳои дохилӣ, Сарраёсати ичрои ҷинояти Вазорати адлия, Сарраёсати қӯшунҳои сарҳадии Кумитаи давлати амнияти миллӣ, Кумитаи ҳолатҳои фавқулодда бо ҳам қувваозмоӣ карданд. Аз 6 дастае, ки дар чорабинӣ ширкат карданд, дастаи қисми ҳарбии 5453-и Қӯшунҳои дохилии Вазорати корҳои дохилӣ сазовори ҷойи аввал, Бригадаи посбоникунандаи 6593-и Сарраёсати ичрои ҷинояти Вазорати адлия ҷойи дуввум ва Полки комендантии Вазорати мудофиа ҷойи саввумро сазовор гардиданд. Ғолибони чорабинӣ 21 феврали соли ҷорӣ дар Маркази фарҳангии ҷавонон «Ориёно» бо диплому туҳфаҳои Кумитаи ҷавонон, варзиш ва сайёҳӣ қадрдонӣ хоҳанд шуд.Дар ин бора ба мухбири АМИТ «Ховар» аз маркази кумитаи мазкур иттилоъ доданд.
27 июл дар Донишгоҳи давлатии тиҷорати Тоҷикистон ва Донишгоҳи славянии Тоҷикистон-Русия нишасти матбуотӣ баргузор мегардад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
Дар ду басти истироҳатгоҳи «Дурахшон» 230 нафар кӯдакону наврасон ба фароғат фаро гирифта шуданд
Имрӯз дар водиҳои Тоҷикистон ҳаво то 32 дараҷа гарм мешавад
