Мусодираи зиёда аз 2 кило героин дар пойтахт

Душанбе, 14 феврал. (АМИТ «Ховар», Ибодат Давлатова).-Аз ҷониби кормандони Раёсати кофтукови ҷиноии Вазорати корҳои дохилӣ ҳангоми гузаронидани чораҳои фаврию ҷустуҷӯӣ дар кӯчаи Н.Қарабоеви пойтахт ҳамчун гумонбар дар ғайриқонунӣ нигоҳ доштани маводи нашъадор шаҳрванд Хушмаҳмад Остонов, соли таваллудаш 1981, сокини кӯчаи Назаршоев, ки пештар бо моддаи 200 КҶ ҶТ суд шудааст, дастгир шуд. Зимни кофтукови шахсӣ аз ӯ 1-адад селофан, ки дар дохилаш 2 килою 6 грамм маводи нашъадори героин буд, дарёфт ва мусодира шуд. Аз рӯи ин ҳодиса парвандаи ҷиноӣ оғоз гардида, тафтиш идома дорад.Дар ин бора ба мухбири АМИТ «Ховар» аз ВКД ҶТ иттилоъ доданд.