Нозирони тоҷик озими Ереван мешаванд

Душанбе, 6 феврал.(АМИТ «Ховар», Марзия Саидова).- Намояндагони Ҷумҳурии Тоҷикистон ҷараёни баргузории интихоботи президентиро дар Арманистон мушоҳида менамоянд.  Абдуманнон Додоев-роҳбари дастгоҳи Комиссияи марказии интихобот ва раъйпурсии /КМИР/ ҷумҳурӣ ба АМИТ «Ховар» итилоъ дод, ки нозирони тоҷик- Саидбой Зокиров –муовини раиси КМИР ва Нурулло Маҳмадуллоев- аъзои КМИР 16 феврал озими Ереван гардида, дар ҳайати нозирони Иттиҳоди Давлатҳои Мустақил ҷараёни баргузории чорабинии муҳими сиёсии Арманистон-интихоботи президентиро мушоҳида мекунанд. Ҳамзамон Саиди Ёқубзод- раиси Кумитаи Маҷлиси намояндагон оид ба масъалаҳои аграрӣ ва экология ҳам ба Арманистон ба ҳайси нозир сафар мекунад. Мавсуф ба ҳайати нозирони Ассамблеяи байнипарлумонии Иттиҳоди Давлатҳои Мустақил шомил аст. Интихоботи президентӣ дар Арманистон 18 феврал баргузор гардида, дар он 8 номзад ҷиҳати ноил гардидан ба мансаби Президенти Арманистон рақобат менамоянд.