Оғози бунёди боғи нави Наврӯзгоҳ

Февраль 24, 2013 14:44

Имрӯз Президенти кишвар Эмомалӣ Раҳмон ба бунёди боғи нави Наврӯзгоҳ, ки дар майдони зиёда аз 10 гектар замини назди Наврӯзгоҳи ҷумҳуриявӣ дар шаҳри Душанбе доман паҳн мекунад, асос гузошта, мардуми ҷумҳуриро ба вусъати корҳои ниҳолшинонию кабудизоркунӣ ҳидоят намуд.Аз субҳи барвақт дар мавзеи бунёди боғи нави Наврӯзгоҳ аз ҷониби Сарвари давлат Эмомалӣ Раҳмон ва мутахассисони варзидаи боғпарвар шумораи зиёди дарахтони нодиру камёфти калонҷуссаи ороишию сояафкан шинонда шуд.Тавре аён гардид, боғи навбунёди Наврӯзгоҳ дар майдони зиёда аз 10 гектари саҳни даромадгоҳ ва атрофи Наврӯзгоҳи ҷумҳуриявии пойтахт доман паҳн менамояд. Дар боғи нави Наврӯзгоҳ, асосан дарахтони бисёрсолаи магнолияи ҳамешасабз, магнолияи бунафш, кастона ё худ каштан, булут, шоҳбулут, фарки сурхбарг ва пихтаю дигар навъҳои беҳтарини ниҳолҳои сӯзанбарг шинонда мешаванд. Тибқи нақша боғи Наврӯзгоҳ ба ғайр аз қитъаҳои зебои дарахтони нодири ороишию сояафкан ва гулу гулбуттаҳо, ҳамчунин аз як шаршараи боҳашамат, фаввораҳо, майдончаҳои бозию дилхушии кӯдакон ва ғайра иборат хоҳад буд.Боғи нави Наврӯзгоҳ аз тариқи роҳравҳои ду ҷониби ин шаршараи зебо бо боғи Нишони давлатии Тоҷикистон пайваст шуда, ба ансамбли биноҳо ва боғу майдониҳои маркази шаҳри Душанбе, ки аз Китохонаи миллӣ, пайкараи Исмоили Сомонӣ, боғи Рӯдакӣ, боғу майдони Парчамии давлатии Тоҷикистон, Осорхонаи миллӣ ва биноҳои дигари маъмурию фарҳангӣ иборат аст, ҳусни тоза зам менамояд.

Февраль 24, 2013 14:44

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд