Парламентарҳо номи маҳалҳоро тағйир медиҳанд

Душанбе, 28 феврал.(АМИТ «Ховар», Марзия Саидова).-Имрӯз дар шаҳри Душанбе таҳти раёсати раиси Маҷлиси миллии Маҷлиси Олии ҷумҳурӣ Маҳмадсаид Убайдуллоев, иҷлосияи сенздаҳуми Маҷлиси миллии Маҷлиси Олии Ҷумҳурии Тоҷикистон даъвати чорум оғоз гардид. Интизор меравад, ки аъзои палатаи болоии парлумони мамлакат маҷмӯи масъалаҳои муҳими марбут ба ҳаёти сиёсию иқтисодӣ ва иҷтимоию фарҳангии ҷумҳуриро баррасӣ ва ҷонибдорӣ намоянд. Ҳамзамон дар иҷлосияи сенздаҳуми Маҷлиси миллӣ масъалаҳои вобаста ба тағйир додани номи баъзе маҳалҳои аҳолинишини вилоятҳои Хатлону Суғд баррасӣ гардида, аъзои палатаи болоии парлумони мамлакат доир ба онҳо қарорҳои марбута қабул хоҳанд кард.