Рӯзи қабули М. Маҳмадаминов дар Суғд

Душанбе, 8 январ. (АМИТ «Ховар», Ибодат Давлатова).-Ҷиҳати иҷрои дастуру супоришҳои Сарвари давлат дар маҷлиси васеи Ҳукумати Ҷумҳурии Тоҷикистон аз 15 январи соли 2013 12 феврали соли ҷорӣ сафари кории вазири меҳнат ва ҳифзи иҷтимоии аҳолии Ҷумҳурии Тоҷикистон Маҳмадамин Маҳмадаминов ва роҳбарони сохтори вазорат ба шаҳри Хуҷанди вилояти Суғд ба нақша гирифта шудааст.Чуноне ки ба мухбири АМИТ «Ховар» аз Вазорати мазкур иттилоъ доданд, ҳадафи асосии сафар доир намудани вохўрӣ бо раисони шаҳру ноҳияҳои вилоят, роҳбарони сохторҳои марбутаи вазорат дар вилоят ва баррасию муҳокимаи масъалаи таъсиси ҷойҳои кории нав, фаъолияти марказҳои касбомўзӣ, бартараф намудани қарздорӣ аз пардохти музди меҳнат, ҷараёни ҷамъоварии андози иҷтимоӣ, пардохти саривақтии нафақаву кўмакпулиҳо, вазъи хизматрасонии иҷтимоӣ дар муассисаҳои будубоши рўзона, инчунин қабули шаҳрвандон мебошад. Зимни сафар дар қатори дигар чорабиниҳои пешбинигардида ҳамон рӯз дар бинои мақомоти иҷроияи ҳокимияти давлатии шаҳри Хуҷанд аз ҷониби вазири меҳнат ва ҳифзи иҷтимоии аҳолии Ҷумҳурии Тоҷикистон М. Маҳмадаминов қабули шаҳрвандон баргузор мегардад.