Сармураббии «Хайр» аз Эрон

Душанбе, 22 феврал. (АМИТ «Ховар», Аловиддин Бӯриев)- Беҳтарин бозингари футболи Осиё дар соли 1996 Худодод Азизӣ барои шиносои бо дастаи «Хайр»-и Ваҳдат ба Тоҷикистон омад ва гумон меравад, ки вазифаи сармураббигии ин тимро бипазирад. Худодод Азизӣ аз футболбозони шӯҳратёри Эрон аст , ки дар қатори Алии Доӣ, Карими Боқирӣ, Маҳдавикиё, Накӯном, Каримӣ ёд мешавад ва дар клуби шӯҳратёри «Кёлн», дастахои «Абумуслим», «Пос», «Баҳман», «Персиполис» ва «Ал-Наср»-и Амороти Мутаҳидаи Араб ҳунарнамоӣ кардааст. Дар ҳайати дастаи мунтахаби Эрон дар 47 бозӣ ширкат карда, ба дарвозаи харифон 11 гол задаст. Тавре сардори дастаи «Хайр» Баҳриддин Мирзоев хабар медихад, ин мутахассиси эронӣ баъди шиносои бо даста шартномаи худро ба имзо хоҳад расонд. Худодод Азизӣ ба хайси мураббӣ дар дастахои «Абумуслим», «Паём» ва «Истиқлоли Аҳвоз» фаъолият кардааст.