Шоми дӯстӣ
Душанбе, 18 феврал.(АМИТ «Ховар», Марзия Саидова).-Дар доираи таҷлили 20-умин солгарди барқарории муносибатҳои дипломатӣ байни Тоҷикистону Туркманистон дар Театри давлатии академии опера ва балети ба номи устод Садриддин Айнӣ таҳти унвони «Шоми дӯстӣ» бо иштироки санъаткорони тоҷику туркман барномаи консертӣ доир гардид. Дар чорабинии фарҳангӣ, ки таҷассумгари дӯстию бародарӣ ва ҳамкориҳои фарҳангӣ буд, аҳли илму фарҳанги ҷумҳурӣ ва намояндагони корпусҳои дипломатии муқими Тоҷикистон ширкат доштанд. Мирзошоҳрух Асрорӣ -вазири фарҳанги ҷумҳурӣ зимни ифтитоҳи чорабинии фарҳангӣ зикр кард, ки халқҳои тоҷику туркманро аз қадимулайём муштаракоти фарҳангӣ бо ҳам мепайванданд. Вазир ба сатҳи ҳамкориҳои фарҳангии Тоҷикистону Туркманистон баҳои баланд дода, таъкид кард, ки баргузории чунин чорабиниҳои фарҳангӣ омили густариши равобити мутақобилан судманди Душанбею Ашқобод аст. Ҳамзамон Чинор Рустамова –Сафири Фавқулодда ва Мухтори Туркманистон дар Тоҷикистон зимни суханронӣ гуфт, ки муносиботи ду кишвар –Тоҷикистону Туркманистон тӯли солҳои охир беш аз пеш дар бахшҳои мухталиф, хусусан фарҳанг густариш меёбад, ки он аз иродаи сиёсии сарони ду кишвари дӯсту бародар шаҳодат медиҳад. Хонум Рустамова зикр кард, ки дар оянда бобати тақвияти равобити дӯстиву бародарӣ ва таҳкими ҳамкориҳои мутақобилан судманди Тоҷикистону Туркманистон маҷмӯи чорабиниҳои гуногун, хусусан барномаҳои фарҳангӣ тарҳрезӣ шудааст, ки он имкон медиҳад, то равобити Душанбею Ашқобод беш аз пеш густариш ёбанд. Дар назди ҳозирин гуруҳҳои ҳунарӣ ва овозхонҳои хушсалиқаи тоҷику туркман бо барномаи рангини консертӣ, ки саршор аз суруду мусиқиҳои дилошӯб буд, ҳунарнамоӣ намуда, аҳли толор дастагули мусиқии меҳмононро бо кафкӯбиҳои пурмавҷ истиқбол гирифтанд.9.29.








Имрӯз дар Тоҷикистон ҳавои тағйиёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд






