Содироти мол афзуд

Душанбе, 22 феврал. (АМИТ «Ховар», Покиза Маҳмадбекова . — Тайи моҳи аввали соли ҷорӣ муомилоти савдои хориҷии Тоҷикистон 428 миллиону 200 ҳазор долларро ташкил дод, ки нисбат ба моҳи январи соли 2012 баробари 7,4 фоиз зиёд аст. Мувофиқи маълумоти Агентии омори назди Президенти Ҷумҳурии Тоҷикистон тавозуни тиҷорат манфӣ буда ва 175 миллиону 300 ҳазор долларро ташкил дод. Камбуди тавозуни тиҷорат бо кишварҳои ИДМ баробари 134 миллион доллар ва бо кишварҳои хориҷи дур 413 миллион доллар буд. Шарикони асосии тиҷорати Тоҷикистон дар моҳи январи соли равон Русия ва Ҷумҳурии Мардумии Чин буданд, ки ҳаҷми муомилоти мол бо онҳо таносубан беш аз 66 миллиону 100 ҳазор ва 65 миллиону 400 ҳазор долларро ташкил додааст.