Таъкиди О. Оқилов бар зарурати сохтмони роҳи оҳан барои Тоҷикистон
Душанбе, 26 феврал. (АМИТ «Ховар», Дилшодаи Хайруллоҳ).-Дирӯз дар ҳузури Сарвазири Ҷумҳурии Тоҷикистон Оқил Оқилов оид ба вусъат бахшидани сохтмони роҳи оҳани Душанбе-Қӯрғонтеппа, қитъаи Ваҳдат –Ёвон машварати корӣ доир шуд. Оқил Оқилов зарурати сохтмони роҳи оҳани мазкурро барои пешрафти иқтисодиёти мамлакат ва беҳдошти ҳаҷми боркашонӣ махсус таъкид карда, изҳор дошт, ки анҷоми бомуваффақи корҳои сохтмонӣ дар қитъаи мазкур метавонад қисмати ҷануби мамлакатро аз хизматрасонии роҳи оҳан ҳарҷи бештар баҳравар гардонад. Тавре ки таъкид шуд, дар айни ҳол корҳои сохтмонӣ дар роҳи оҳани Душанбе-Қурғонтеппа, қитъаи Ваҳдат –Ёвон мувофиқи нақша идома дошта, як қатор корҳои аввалиндараҷа аллакай анҷом ёфтаанд. Оқил Оқилов роҳбарони вазорату идораҳои дахлдори мамлакат ва роҳбарияти корхонаи воҳиди давлатии «Роҳи оҳани Тоҷикистон»-ро вазифадор кард, ки лоиҳаи камхарҷи корҳои сохтмонии роҳи оҳани мазкурро дида баромада, суръати пешбурди корҳои сохтмониро афзун намоянд ва барои бастани қарордод бо сохторҳои марбутаи Ҷумҳурии Мардумии Чин ва дарёфти манбаъҳои маблағгузории сохтмони роҳи оҳан тадбирҳои зарурӣ андешанд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






