«Тента» ба «Ноҳид» маҳсулот медиҳад
Кӯлоб, 12 феврал. (АМИТ «Ховар», С. Холов).-Дар шаҳри Кӯлоб барои бо ашёи хоми маҳаллӣ ба роҳ мондани истеҳсоли маҳсулоти содиротии ба талаботи бозори ҷаҳонӣ рақобатпазир дар айни ҳол як корхонаи муштараки ресандагӣ дар ҳамкорӣ бо ширкати «Тента» — и Федератсияи Русия фаъолият дорад. Дар корхонаи мазкур дар як рӯз зиёда аз 3,5 тонна нахи пахта коркард ва аз он риштаи аълосифат истеҳсол мешавад. Дар корхонаи ресандагии «Тента» — и Кӯлоб 80 нафар мутахассисони маҳаллӣ бо ҷои кор таъмин гардида, маҳсулоти истеҳсолнамудаи онҳо ба фабрикаи кешбофии «Ноҳид»-и шаҳри Истаравшан ва беш аз 70 фоизи он тибқи шартнома ба Федератсияи Русия содирот мешавад. Иқтидори корхонаи ресандагӣ дар як сол 1 ҳазору 200 тонна риштаро ташкил медиҳад. Барои бо ашёи хом таъмин намудани корхона пас аз озмоиши сифати нахи пахта имрӯзҳо аз корхонаҳои коркарди пахтаи ноҳияҳои Ҳамадониву Восеъ ва корхонаи коркарди пахтаи Ҷамъияти саҳҳомии кушодаи «Тиллои сафед — Ф» — и шаҳри Кӯлоб ба фабрика ашёи хом ворид мешавад. Бо мақсади афзун кардани нишондоди истеҳсолӣ дар асоси шартномаи ҳамкорӣ бо ширкати «Тента» — и Федератсияи Русия роҳбарияти корхона ният доранд, ки шумораи коргаронро ба 100 нафар расонида, дар оянда дар заминаи густариши ҳамкориҳо бо ворид сохтани дастгоҳу таҷҳизоти муосир дар назди фабрика коргоҳи бофандагӣ таъсис дода, минбаъд маҳсулоти тайёрро ба хориҷи кишвар содирот намоянд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






