Тоҷикистон меросхӯри артиши Шӯравӣ нест!

Февраль 22, 2013 10:32

Душанбе, 22 феврал. (АМИТ «Ховар», Дилшодаи Хайруллоҳ).- Президенти Ҷумҳурии Тоҷикистон, Сарфармондеҳи Олии Қувваҳои Мусаллаҳи кишвар Эмомалӣ Раҳмон дар суханронии худ ба муносибатии 20- солагии таъсисёбии Қувваҳои мусаллаҳи Ҷумҳурии Тоҷикистон дар Кохи Борбади шаҳри Душанбе ҳамаи собиқадорон, хизматчиёни ҳарбӣ ва тамоми кормандони соҳаро, ки дар роҳи ҳифзи марзу буми Ватан ва таъмини амнияти давлату ҷомеа саҳм гузоштаанд, таҳният гуфт. Эмомалӣ Раҳмон аз таърихи таъсиси Қувваҳои мусаллаҳи Ҷумҳурии Тоҷикистон ёдовар шуда, зикр намуд, ки Ҳукумати мамлакат таъсиси артиши миллиро дар он даврони басо ҳассос амри ниҳоят муҳим медонист. Ба қавли Презиленти мамлакат баъд аз пош хӯрдани Иттиҳоди Шӯравӣ дар байни понздаҳ ҷумҳурии собиқи он Тоҷикистон ягона давлати соҳибистиқлол ба шумор мерафт, ки аз артиши шӯравӣ чизе мерос нагирифта буд. Дар ҳоле, ки дигар ҷумҳуриҳо қисмҳои ҳарбии дар қаламравашон ҷойгирбударо бо тамоми техникаи ҳарбӣ ва муҳимоту лавозимоти ҷангӣ миллӣ гардонида, соҳиби артиш ва дигар сохторҳои низомӣ шуда буданд.“Бинобар ин, якҷо бо вакилони мардумӣ ба хулосае омадем, ки бетаъхир артиши миллиро ташкил намуда, аз пайи таъсиси дигар рукнҳои давлатдорӣ ва танзими фаъолияти онҳо шавем. Бо ин мақсад 18-уми декабри соли 1992 Фармони Раёсати Шӯрои Олӣ дар бораи таъсиси Қувваҳои Мусаллаҳи Ҷумҳурии Тоҷикистон қабул гардид” – иброз дошт Эмомалӣ Раҳмон. Бояд гуфт, ба он нанигариста, ки пас аз таъсиси Қувваҳои мусаллаҳ дар ин самт мушкилоти зиёде ҷой дошт, аммо 23 феврали соли 1993 аввалин паради ҳарбии Артиши миллӣ доир шуда буд.

Февраль 22, 2013 10:32

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд