Варзишгарони тоҷик ба Тошканд мераванд

Душанбе, 18 феврал. (АМИТ «Ховар», Пайрав Назаров). – Федератсияи варзиши сабуки Ҷумҳурии Ӯзбекистон 2 ва 3 марти соли ҷорӣ барои кишварҳои Осиёи Марказӣ аз рӯзи варзиши сабук байни варзишгарони ҷавон мусобиқоти байналмилалӣ ташкил карданист. Дар барномаи мусобиқот намудҳои варзиши сабук, аз қабили дав, ҷаҳиш ба баландӣ ва ғайра пешбинӣ шудааст.Дар ин мусобиқот варзишгарони ҷавони Ҷумҳурии Тоҷикистон низ иштирок менамоянд. Вазорати корҳои хориҷии Ҷумҳурии Тоҷикистон барои сари вақт раводид пайдо намудани варзишгарони ҷавон мусоидат мекунад.