Вохӯрии М.Маҳмадаминов бо сокинони Хатлон

Қӯрғонтеппа, 15 феврал. (АМИТ «Ховар», Мурод Сотиев). — 15 феврал вазири меҳнат ва ҳифзи иҷтимоии аҳолии ҶТ Маҳмадамин Маҳмадаминов дар шаҳри Қӯрғонтеппа бо сокинони вилояти Хатлон вохӯрд. М.Маҳмадаминов дар ҷараёни мулоқот зикр намуд, ки роҳбарияти ҷумҳурӣ барои дастгирии табақаҳои осебпазири аҳолӣ ҳамаи чораҳоро мебинад. Алҳол барномаҳое қабул шудаанд, ки ба беҳдошти вазъи аҳолии ҷумҳурӣ мусоидат мекунанд. Вазир ҳамчунин ба саволҳои шаҳрвандон аз рӯи масоили таъмини нафақа ва шуғли аҳолӣ посух дод.Маҳмадамин Маҳмадаминов дар ҷараёни сафараш ҳамчунин бо роҳбарияти вилояти Хатлон вохӯрда, аз коргоҳи дӯзандагии ноҳияи Бохтар дидан мекунад.