Вусъати ҳамкориҳои ДДТТ бо муассисаҳои таълимии Афғонистон
Душанбе, 25 феврал. (АМИТ «Ховар», Ибодат Давлатова).-Дар ДДТТ 117 нафар муҳассилини афғон дар риштаҳои мухталифи пизишкӣ таҳсил менамоянд, гуфт ректори ДДТТ ба номи Абӯалӣ ибни Сино Убайдулло Қурбонов дар вохӯрӣ бо ҳайати намояндагони Вазорати таҳсилоти олии Афғонистон. У. Қурбонов ҳамзамон ба ҳузури афзояндаи муҳассилини афғон дар донишгоҳи мазкур ишора намуда, онро самараи робитаҳои неки миёни ниҳодҳои омӯзишии ду кишвар унвон кард. Инчунин вазири таҳсилоти олии Афғонистон Убайдуллои Убайд дар навбати худ саҳми ДДТТ-ро дар омода кардани мутахассисони тиббии кишвари Афғонистон муҳим арзёбӣ намуда, аз ҳамкориҳои мудовими Донишгоҳи тиббии Кобул ва ДДТТ ба номи Абӯалӣ ибни Сино изҳори қаноатмандӣ кард. Бино ба иттилои У.Убайд, ҳамасола давлати Афғонистон дар ҳадди 50 бурсияи таҳсил барои ДДТТ ҷудо намудааст. Ин ҳам дар ҳолест, ки шумори муҳассилини афғон, ки бо ҳазинаи худ ба Тоҷикистон омада ва дар ДДТТ таҳсил менамоянд, ҳамасола афзоиш меёбад. Дар охир ҷонибҳо бо қаноатмандӣ аз муносиботи кунунӣ миёни ДДТТ ба номи Абӯалӣ ибни Сино ва Донишгоҳи тиббии Кобул дар заминаи таҳкиму такомули равобити минбаъдаи тарафайн ба тавофуқ расиданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






