Ярмарка — фурӯши ниҳол — 2013

Душанбе, 22 феврал. (АМИТ «Ховар»). — Вазорати кишоварзии Ҷумҳурии Тоҷикистон аз 24 то 26 феврали соли ҷорӣ дар якҷоягӣ бо Кумитаи ҳифзи муҳити зисти назди Ҳукумати ҶТ ва Ҳукумати ш. Душанбе ярмарка-фурӯши ниҳолҳои мевадиҳандаю сояафкан, тухми зироатҳои кишоварзӣ, кучати гулу буттаҳоро баргузор менамояд. Ярмаркаи мазкур дар чор ноҳияи ш.Душанбе: Шоҳмансур, Сино, Қарияи боло ва Деҳқонбозор доир карда мешавад. Дар ярмарка беҳтарин ниҳолҳо аз корхонаҳои ниҳолпарваии ҷумҳурӣ, хоҷагиҳои деҳқонӣ пешкаши харидорон карда мешавад ва олимони соҳаи кишоварзӣ ба харидорон маслиҳатҳои муфит медиҳанд. Ҳамзамон, баҳри истироҳати бофароғат, муассисаҳои фарҳангӣ бо барномаҳои омодашуда хотири иштирокчиёни ярмаркаро шод мегардонанд. Марҳамат ба ярмарка — фурӯши ниҳол — 2013!Телефнҳо барои тамос: 227-39-53; 227-37-09.