Ярмаркаи ниҳолҳо дар Душанбе

Душанбе, 25 феврал. (АМИТ «Ховар», Назир Назиров). – Бо ибтикори Вазорати кишоварзии ҶТ ва Кумитаи ҳифзи муҳити зисти назди Ҳукумати кишвар рӯзи якшанбеи гузашта дар шаҳри Душанбе ярмаркаи фурӯши ниҳолҳо баргузор гардид. Муовини аввали раиси Кумитаи ҳифзи муҳити зисти назди Ҳукумати ЧТ Ҳикматулло Назиров зикр намуд, ки Муассисаи давлатии хоҷагии ҷангал ва шикор қариб 3 миллиону 600 ҳазор ниҳол шинондааст, ки беш аз 39 намуди онҳо ниҳолҳои мева мебошанд.То имрӯз дар ҷумҳурӣ қариб 130 ҳазор ниҳоли нав шинонида шуда ва ниҳолшинонӣ дар ҳамаи шаҳру деҳоти ҷумҳурӣ давом дорад. Дар ярмарка ниҳолҳои дарахтҳои мурӯд, себ, шафтолу, олуболу, зардолу, бодом, сарву арча, ҳамчунин тухмию донаи растаниҳои ороишӣ ва наботот ба маърази фурӯш қарор дода шуданд.