Ёде аз Меҳрубон Назаров

Февраль 26, 2013 14:11

Душанбе, 26 феврал. (АМИТ «Ховар», Раъно Нусратуллоева).-Имрӯз дар толори Вазорати фарҳанги Ҷумҳурии Тоҷикистон бахшида ба 90 – солагии ходими фарҳанг, илм ва сиёсати тоҷик Меҳрубон Назаров конфронс таҳти унвони «Саҳми Меҳрубон Назаров дар рушди фарҳанги халқи тоҷик» баргузор гардид.Тавре ки аз Вазорати фарҳанг ба хабарнигори АМИТ «Ховар» иттилоъ доданд, конфронсро вазири фарҳанги Ҷумҳурии Тоҷикистон Мирзошоҳрух Асрорӣ ифтитоҳ намуд. Сипас дар бораи зиндагинома ва хидматҳои М. Назаров намояндагони илму фарҳанги тоҷик суханронӣ намуданд. Аз ҷумла, номзади илмҳои санъатшиносӣ А. Абдураҳмонов дар мавзӯи «Меҳрубон Назаров — актёр, режиссёр», доктори илмҳои педагогӣ С. Сулаймонӣ дар мавзӯи «Фарҳанги мардум дар осори Меҳрубон Назаров», доктори илмҳои таърих С. Раҳимов дар мавзӯи «Роҳбари ғамхор ва кордон», доктори илмҳои таърих А. Раҷабов дар мавзӯи «Муҳаққиқи фарҳанги тоҷик», дар бораи нақши Меҳрубон Назаров дар тайёр намудани мутахассисони соҳаи фарҳанг профессор Р. Амиров андешаҳои хешро баён намуданд. Узви Иттифоқи нависандагони Тоҷикистон Ато Ҳамдам аз хотироти рангини хеш аз Меҳрубон Назаров сухан гуфт.Ҳамчунин имрӯз соати 14.00 дар толори калони Донишкадаи давлатии санъати Тоҷикистон ба номи М. Турсунзода бахшида ба 90 — солагии Меҳрубон Назаров консерт баргузор гардид.

Февраль 26, 2013 14:11

Хабарҳои дигари ин бахш

Имрӯз дар Тоҷикистон ҳавои тағйиёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд