З. Саидов ба И. Алиев эътиборнома супорид

Душанбе, 4 феврал. (АМИТ «Ховар»).- Чанде қабл Сафири Фавқулодда ва мухтори Ҷумҳурии Тоҷикистон дар Ҷумҳурии Озарбойҷон Зоҳир Саидов ба Президенти Озарбойҷон Илҳом Алиев эътиборнома супорид.Дар ҷараёни мулоқот Президенти Озарбойҷон аз вазъи муносибот ва ҳамкориҳои муфиди ҳарду давлат дар самтҳои гуногун изҳори қаноатмандӣ намуд.Зимни мулоқот татбиқи созишномаҳои ҳамкорӣ, аз ҷумла «Барномаи ҳамкориҳои иқтисодӣ миёни Тоҷикистону Озарбойҷон», ки зимни сафари расмии Президенти Тоҷикистон ба шаҳри Боку дар соли 2012 ба имзо расида буданд, баррасӣ шуданд.Ҷонибҳо ҳамчунин масоили вусъати робитаҳои фарҳангӣ ва дубора ба роҳ мондани хатсайри «Душанбе-Боку»-ро матраҳ намуданд.Дар ин бора аз Раёсати иттилоот, матбуот ва тарҳрезии сиёсати берунии ВКХ ҶТ хабар доданд.