Зан ва варзиш тавъаманд

Душанбе, 1 феврал. (АМИТ «Ховар», Дилшодаи Хайруллоҳ).- 31-уми январи соли равон дар шаҳри Қурғонтеппа семинари ҷумҳуриявӣ таҳти унвони “ Зан ва варзиш “доир гардид.  Семинар бо ташаббуси Кумитаи миллии олимпии Ҷумҳурии Тоҷикистон бо ширкати 25 бону аз манотиқи гуногуни вилояти Хатлон баргузор шуд. Зимни ҷамъомад роҳҳои ҷалби бештари бонувон ба намудҳои мухталифи варзиш ва солим нигоҳ доштани ҷомеа тавассути варзиш баррасӣ гардид. Таъкид шуд, ки имрӯз бонувони кишвар на ба таври кофӣ ба варзиш шуғл доранд, бо вуҷуди ин ҳастанд бонувоне, ки ҳатто дар соҳаи варзиш шаъну шарафи кишварро дар арсаи байналмилалӣ баланд мебардоранд. Бояд тазаккур дод, ки чунин семинар дар охири соли 2012 се маротиба дар шаҳрҳои Кӯлоб, Турсунзода ва Хуҷанд доир шуд.