Ғалабаи дастаҳои мунтахаби Тоҷикистону Қирғизистон

Душанбе, 18 март. (АМИТ «Ховар»). – 17 март дар мусобиқоти интихобӣ барои дарёфти Ҷоми Конфедератсияи футболи Осиё дар гурӯҳи «В» бозиҳои даври аввал баргузор шуданд. Дастаҳои мунтахаби Тоҷикистону Қирғизистон ҳарифони худро аз Покистон ва Макао бо ҳисоби таносубан 1 бар 0 мағлуб сохтанд. Дастаи мунтахаби Тоҷикистон дар даври дуюми мусобиқот 19 март бо дастаи Макао вохӯрда, футболбозони Қирғизистон бо дастаи мунтахаби Покистон қувваозмоӣ мекунанд.Дар ин бора аз Федератсияи футболи Тоҷикистон хабар доданд.