Ҳамлагари бразилиягӣ ба «Истиқлол» омад

Душанбе, 18 март (АМИТ «Ховар», Баҳманёр Муродов).-Шаби гузашта Виллер Соуза Оливейра, ҳамлагари 33-сола аз Бразилия, ки қаблан бо дастаи «Истиқлол» шартнома баста буд, ба Душанбе омад.Сомонаи расмии «Истиқлол» иттилоъ додааст, ки шуруъ аз имрӯз бозигари бразилиягӣ дар тамринҳои даста иштирок карда ва ба мавсими нави футболи кишвар, ки рӯзи 6-уми апрел оғоз меёбад, омодагӣ мебинад. Ҳамчунин иттилоъ дода шудааст, ки Виллер Соуза Оливейра қаблан дар дастаҳои «Анжи»-и Махачқалъа, «Вигри»-и Полша, «Индепенденте»-и Аргентина ва чандин дастаҳои дигар бозӣ карда, маҳорати хуб нишон додааст.