Ҷаласаи корӣ оид ба Нишасти Муколамаи ҳамкории Осиё

Март 7, 2013 09:49

Душанбе,7 март.(АМИТ «Ховар», Фарзона Достонзаде).-Сафири Фавқулода ва Мухтори Ҷумҳурии Тоҷикистон дар Давлати Кувайт Зубайдулло Зубайдов дар ҷаласаи коршиносони аршади кишварҳои аъзои Муколамаи ҳамкории Осиё ,4 март иштирок дошт.  Тавре ки ба АМИТ «Ховар» аз Вазорати корҳои хориҷии кишвар иттилоъ доданд, зимни ҷаласа масъалаҳои марбут ба фаъолияти Муколама мавриди муҳокима қарор гирифтанд. Пешниҳоди ҷониби Кувайт роҷеъ ба ташкил кардани Котиботи Муколамаи ҳамкории Осиё дар Кувайт аз тарафи иштирокчиён дастгирӣ ёфт. Ба ширкаткунандагони ҷаласа дар бораи тартиби баргузор гардидани нишасти 11- уми вазирони корҳои хориҷии Муколамаи мазкур, ки 29 марти соли ҷорӣ дар Душанбе доир мешавад, маълумот пешниҳод гардида, лоиҳаи санади ниҳоии ин нишаст ба ҳозирин пешниҳод шуд.

Март 7, 2013 09:49

Хабарҳои дигари ин бахш