Ҷашни Наврӯзӣ дар вилояти Ҷанбули Қазоқистон
Душанбе, 19 март. (АМИТ «Ховар», Ибодат Давлатова).-Бахшида ба фарорасии иди Наврӯз дар тамоми шаҳру навоҳии ҷумҳурӣ чорабиниҳои идона баргузор мегарданд. Бояд гуфт, ки шумораи зиёди муҳоҷирони Тоҷикистон берун аз мамлакат низ ин ҷашни пурарзишро бо тамоми расму ойини миллӣ таҷлил менамоянд. Раиси ташкилоти маданияти қадимаи тоҷикон дар вилояти Ҷанбули Ҷумҳурии Қазоқистон Маҳкам Орифов гуфт, мо тоҷикони қадимаи вилояти Ҷамбули Ҷумҳурии Қазоқистон хеле хурсанд ҳастем, ки иди Наврӯз ба иди байналмилалии ҷаҳонӣ табдил ёфтааст. Маданияти қадимаи тоҷикон дар шаҳри таърихии Тарази Қазоқистон вуҷуд дорад ва мо бо ҳамроҳии ҷамъият ва муҳоҷирони меҳнатӣ бо дастгирии сафири Тоҷикистон дар Қазоқистон Баҳром Холназаров иди Наврӯзро якҷоя ҷашн мегирем. Дар иди Наврӯз мӯйсафедон, модарон, хоҳарон, бародарон ва хонандагони мактабҳои миёна ва олӣ бо либосҳои миллӣ ҷамъ омада, таомҳои миллӣ мепазанд, бо чангу наво, дойраву най, карнай, таблак ва дигар асбобҳои мусиқӣ меҳмононро пешвоз мегиранд. Дар ин ҷашни бузурги байналмилалии Наврӯз дар Ҷумҳурии Қазоқистон зиёда аз 130 миллат иштирок мекунад, ки ин нишонаи дӯстии ду кишвари Осиёи миёна- Қазоқистон ва Тоҷикистон мебошад.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






