Ҷилавгирии қочоқи маводи нашъаовар

Душанбе, 19 март. (АМИТ «Ховар», Лутфия Эшонқулова ). – Кормандони Раёсати Агентии назорати маводи нашъаовари назди Президенти ҶТ дар вилояти Суғд фаъолияти гурӯҳи ҷинояткоронро, ки миқдори зиёди маводи нашъаовари истеҳсоли Афғонистонро тавассути қаламрави вилоят ба Федератсияи Русия интиқол доданӣ буданд, ҷилавгирӣ намуданд.Мувофиқи маълумоти маркази матбуоти агентии мазкур, дар натиҷаи амалиёти махсус беш аз 30 килограмм маводи нашъаовар мусодира гардид. Дар ҷараёни амалиёти дигари фаврӣ дар ҳудуди шаҳри Хуҷанд як нафар иштироккунандаи ин амалиёт дастгир шуд, ки сокини ВМКБ будааст. Аз рӯи ин ҳодиса мувофиқи моддаи 200 — уми қисми 4 Кодекси ҷиноятии ҶТ парвандаи ҷиноӣ кушода, тафтишот идома дорад.