Ҷопон рушди кишоварзиро дастгирӣ мекунад

Март 27, 2013 16:38

Душанбе, 27 март. (АМИТ «Ховар», Дилшодаи Хайруллоҳ).- Ҷумҳурии Ҷопон дар чаҳорчўбаи кўмакҳои бебозгашти лоиҳаҳои амнияти башарӣ барои бахши аъзами аҳолӣ бо мақсади дастгирии соҳаи кишоварзӣ дар Ҷумҳурии Тоҷикистон техникаи кишоварзиро барои тоза кардани каналҳои обёрӣ ва заҳбурҳо ба хоҷагии деҳқонии ноҳияи Зафаробод дастрас менамояд. 27 марти соли 2013 Хироюки Имаҳашӣ, Сафири Ҷопон дар Ҷумҳурии Тоҷикистон ва Рустам Раҳматов, раиси ноҳияи Зафаробод роҷеъ ба «Лоиҳаи барқарор намудани каналҳои обёрии ноҳияи Зафаробод» ба маблағи 122,049 доллари ИМА созишномаи грантиро ба имзо расониданд. Соҳаи кишоварзӣ дар ноҳияи Зафаробод соҳаи калидист. Каналҳои ноҳия даҳҳо сол пеш бунёд гаштаанд ва истифодаи дароз муддат онҳоро заиф гардонида, ҳосилнокии заминҳои деҳқониро дар ноҳияи мазкур нисбатан паст намудааст. Яке аз сабабҳои пастшавии ҳосилнокии заминҳо- ин аз лой пур шудани каналҳо ва заҳбурҳои хоҷагиҳои деҳқонист. Лой садди роҳи ҷараёни оби каналҳо гардида, фаъолияти пойгоҳи обкаширо ҳам халалдор месозад. Норасоии об ҳамчунин ба баланд шудани сатҳи оби зеризаминӣ ва шӯршавии заминҳои обӣ оварда, 7000 га замин то ҳол корношоям гардидааст.. Дар натиҷаи татбиқи лоиҳаи мазкур Ассотсиатсияи истифодабарандагони оби “Истиқлол”-и ноҳияи Зафаробод бо экскаватор, як адад трактор ва як адад ядак, ки барои кашидани лой аз каналҳо ва заҳбурҳо кўмак мекунад, таъмин мегардад. Бо тарзи дуруст ва сари вақт тоза кардани каналҳои обёрӣ сатҳи оби зеризаминӣ ва шӯрнокии заминҳо паст шуда, ҳосилнокии заминҳои деҳқонӣ беҳтар мегардад.Рушди соҳаи кишоварзӣ, бешубҳа шароити иқтисодии деҳқонон ва аҳолиро дар ҷомеаҳои маҳаллӣ беҳтар намуда, ҳуқуқҳои аввалиндараҷаи онҳоро таҳким мебахшад. Ҳукумати Ҷопон барои вусъати зиндагии мардуми Тоҷикистон ва таҳкими ҳуқуқҳои аввалиндараҷаи онҳо дар ҷомеа дастгирии худро идома медиҳад.

Март 27, 2013 16:38

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд