5 корхонаи наву 65 ҷойи нави корӣ

Душанбе, 18 март. (АМИТ «Ховар», Дилшодаи Хайруллоҳ).- Дар ҷумҳурӣ 64 корхонаи истеҳсоли қуму шағал мавҷуд буда, тавре ки маълум аст, фаъолияти онҳо мавсимӣ мебошад. Бо муътадил шудани обу ҳаво ва пайдо гаштани шароиту имконият моҳи феврали соли ҷорӣ 41-тои он азнав ба фаъолият оғоз намуда, ба миқдори 55,2 ҳазор м3 қуму шағал истеҳсол намуд ва суръатафзоии он ба 2,4 баробар расид.Мувофиқи қарори Ҳукумати Ҷумҳурии Тоҷикистон «Дар бораи тасдиқи нақшаи амал оид ба таъсиси корхонаҳои саноатӣ дар Ҷумҳурии Тоҷикистон барои солҳои 2012-2013» соли равон дар ҷумҳурӣ ба истифода додани 5 корхонаи нави истеҳсоли қуму шағал бо таъсиси 65 ҷойи нави корӣ пешбинӣ гардидааст.Дар ин бора ба мухбири АМИТ «Ховар» аз котиботи Вазорати энергетика ва саноати Ҷумҳурии Тоҷикистон иттилоъ доданд.