Баргузории семинар оид ба мавзӯи нашриёти тақризшаванда

Март 11, 2013 15:10

Душанбе, 11 март. (АМИТ “Ховар”, Раъно Нусратуллоева).-Имрӯз олимони пажуҳишгар дар семинаре, ки оид ба мавзӯи нашриёти тақризшаванда, аз ҷониби Китобхонаи миллии Тоҷикистон дар ҳамкорӣ бо Академияи илмҳои Ҷумҳурии Тоҷикистон гузаронида шуд, иштирок намуданд. Семинари мазкур якумин чорабинӣ аз силсилаи семинарҳое мебошад, ки ба усулҳои навиштани мақолаҳои илмии бобарор аз нуқтаи назари пажуҳишгар, муҳаррири маҷалла ва муқарриз равшанӣ меандозад. Дар семинар намунаҳои воқеии раванди нашриётӣ истифода ва барои беҳтар намудани малакаҳои навиштани мақолаҳои илмию таҳқиқотӣ ба забони англисӣ стратегияҳо пешкаш шуданд.Семинарҳоро Барномаи китобхонаи илмии виртуалии Тоҷикистон (КИВ), ки аз ҷониби Маъмурияти миллӣ оид ба бехатарии ҳастаии назди Вазорати энергетикаи ИМА (DOE/NNSA) сарпарастӣ мешавад, ташкил мекунад ва CRDF Global онро мегузаронад. Илова ба семинарҳои нашриёти тақризшаванда, Барномаи китобхонаи илмии виртуалии Тоҷикистон 6-7 март дар шаҳрҳои Хуҷанду Кӯлоб семинарҳо гузаронидааст, то таҳқиқотчиёнро бо торнамои КИВ (www.TajikistanVSL.org) шинос намояд. Торнамои мазкур дастрасии беш аз 12,000 маҷаллаи ноширони бузург ва хазинаҳои машҳури байналмиллалии илмию таҳқиқотиро муттаҳид менамояд.

Март 11, 2013 15:10

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд