Экологҳо дар «Azia Grand Hotel» нишаст меороянд

Душанбе, 28 март.(АМИТ «Ховар», Марзия Саидова).- Фардо 29 март дар «Azia Grand Hotel»-и Душанбе ҷаласаи навбатии Комиссияи муввақатии экологии палатаи поёнии парлумони Тоҷикистон-Маҷлиси намояндагон баргузор мегардад. Дар чорабинӣ намояндагони вазорату идораҳои марбутаи кишвар — Вазорати энергетика ва саноат, Вазорати кишоварзӣ, Кумитаи ҳифзи муҳити зист, инчунин созмонҳои ҷамъиятие, ки доираи фаъолияташон ба масоили экологӣ нигаронида шудаанд, ширкат менамоянд. Маҳмадшариф Ҳақдодов-раиси Комиссияи муввақатии экологии Маҷлиси намояндагон дар суҳбат ба хабарнигори АМИТ «Ховар» гуфт, ки дар ҷаласа масъалаҳои марбут ба ҳифзи муҳити зист, таъмини амнияти экологӣ, тадбирҳои пешгирии муҳити зист аз ифлосшавӣ, такмили қонунгузории кишвар ва ҳалли мушкилоти вобаста ба экология матраҳ мегарданд.