Кӯмаки навбатии Ҳукумати Амрико ба сарҳадбонони тоҷик
Душанбе, 6 март.(АМИТ «Ховар», Сарвинози Руҳуллоҳ) – Имрӯз шуъбаи ҳамкориҳои ҳарбии cафорати ИМА дар Ҷумҳурии Тоҷикистон таҷҳизоти коммуникатсионӣ ва лавозимоти шахсӣ иборат аз лавозимоти шахсии ҳимояткунанда, либосҳои гарм ва лавозимоти размороиро бо арзиши зиёда аз 460 ҳазор доллари амрикоӣ ба отряди сарҳадӣ дар ноҳияи Шӯрообод супорид. Дар ин бора ба АМИТ «Ховар» аз сафорати Амрико дар Душанбе хабар доданд. Тибқи иттилои манбаъ, таҷҳизоти мазкур ба баланд бардоштани сатҳи тавоноии қувваҳои мобилии мусаллаҳи махсуси қисми ҳарбии қувваҳои сарҳадии Тоҷикистон дар мубориза бар зидди нашъаҷаллобон ва ифротгароён мусоидат мекунад. Аз ҷониби сафорати ИМА дар ин чорабинӣ атташеи ҳарбӣ подполковник Ҷон Фрейвел ва роҳбари барномаи зидди маводи нашъаовар Артур Тарян ширкат варзиданд. Инъоми мазкур яке аз лоиҳаҳои зиёди кӯмакрасоне мебошад, ки Сафорати ИМА дар Тоҷикистон амалӣ мегардонад. Аз соли 1992 то инҷониб мардуми Амрико маблағи зиёда аз як миллиард доллари амрикоиро баҳри амалӣ гардонидани барномаҳои кӯмакрасон, ки ба рушди иқтисод мусоидат намуда, фаъолияти институтҳои демократӣ, соҳаҳои тиб, маориф ва амнияти Тоҷикистонро дастгирӣ менамоянд, ҷудо намудааст.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






