Кормандони ВКД савганд ёд карданд

Март 13, 2013 16:35

Душанбе, 13 март. (АМИТ «Ховар»).- Дар маросими савгандёдкунии кормандони мақомоти корҳои дохилӣ, ки рӯзи 12 марти соли равон дар Маркази таълимии Вазорати корҳои дохилии Ҷумҳурии Тоҷикистон доир гардид, роҳбарият ва ҳайати шахсии маркази мазкур, Шӯрои собиқадорон, Раёсати кадрҳо ва кор бо ҳайати шахсии ВКД ва намояндагони «Эмерҷенс Групп»-и Сафорати Иёлоти Муттаҳидаи Амрико дар Ҷумҳурии Тоҷикистон иштирок намуданд.Тавре ки сардори маркази таълимии ВКД полковники милитсия Муҳаббат Абдуллоев изҳор намуд, дар ҷамъомади тантанавӣ 22 нафар кормандон аз ҳисоби ҳайати миёнаи роҳбарикунандаи мақомоти корҳои дохилӣ баъди гузаштани курси якмоҳаи тайёрии ибтидоӣ савганд ёд карданд.Чунин чорабинӣ бори аввал аст, ки дар марказ гузаронида мешавад ва хатмкунандагони курси омӯзишӣ ба ҷойҳои корашон барои идомаи фаъолияти хизматӣ фиристода мешаванд. Зимни суханронӣ дар маросим муовини сардори Раёсати кадрҳо ва кор бо ҳайати шахсии ВКД полковники милитсия Шуҳрат Носиров изҳор намуд, ки он нозукиҳои кор дар мақомот, ки тайи як моҳ дар марказ ба кормандон омӯзонида шуд, аз бисёр ҷиҳат барои онҳо муфид буда, хизматчиёни ҷавон метавонанд дар фаъолияти минбаъдаи корӣ аз усулҳои омӯхтаашон самаранок истифода баранд.

Март 13, 2013 16:35

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд