Маросими муаррифии китоби «Хазинаи тиллоии тоҷикон»
Душанбе, 4 март. (АМИТ «Ховар», Марҳабо Зунунова). — Бо ибтикори Сафорати Ҷумҳурии Тоҷикистон дар Федератсияи Русия ва зимни ҳамкорӣ бо Пажӯҳишгоҳи шарқшиносии Академияи илмҳои Русия дар шаҳри Маскав ба муносибати муаррифии китоби вазири корҳои хориҷии Тоҷикистон Ҳамрохон Зарифӣ «Хазинаи тиллоии тоҷикон» дар бинои Академияи дипломатии ВКХ Федератсияи Русия маҷлиси ботантана баргузор гардид. Дар ин бора намояндаи расмии Сафорати Тоҷикистон дар Федератсияи Русия Муҳаммад Эгамзод ба АМИТ «Ховар» хабар дод. Мувофиқи суханони манбаъ, маҷлиси қабул бо сарсухани ноиби ректори Академияи дипломатияи ВКХ Федератсияи Русия оид ба таълим ва равобити байналмилалӣ А.В.Лукин оғоз ёфт.Сипас Сафири Тоҷикистон дар Федератсияи Русия Абдулмаҷид Достиев зимни суханрониаш дар бораи мазмуни ин китоби нодир муфассал нақл карда, гуфт, ки китоб ба забонҳои тоҷикӣ, русӣ, форсӣ, арабӣ, чинӣ, англисӣ, фаронсавӣ ва немисӣ чоп шудааст.Сафири Ҷумҳурии Озарбойҷон дар Русия Пӯлод Булбул-оғли аз дурдонаҳои фарҳангу санъати бостонии тоҷикон бо меҳру муҳаббати бепоён сухан кард. Маҷлиси қабул бо консерти идонаи Ҳунарпешаи шоистаи Ҷумҳурии Тоҷикистон Ноҳид Зайналпур ва тақдими нусхаҳои китоб ба меҳмонону иштирокдорони он анҷом ёфт.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






