Масъалаи бехатарии биологӣ дар Душанбе матраҳ шуд

Март 29, 2013 16:12

Душанбе, 29 март.(АМИТ «Ховар», Марзия Саидова).- Дар ҷаласаи Комиссияи муваққатии экологии Маҷлиси намояндагон, ки имрӯз дар Душанбе бо ҳузури вакилони палатаи поёнии парлумони мамлакат, намояндагони вазорату идораҳои марбутаи кишвар, экологҳо ва расонаҳои хабарӣ баргузор гардид, масоили вобаста ба сиёсат ва асоси ҳуқуқии бехатарии биологӣ ва такмили қонунгузорӣ вобаста ба дохилшавии Тоҷикистон ба Созмони Ҷаҳонии Савдо матраҳ гардид. Маҳмадшариф Ҳақдодов -раиси Комиссияи муваққатии экологии палатаи поёнии парлумони мамлакат зимни нишаст гуфт, ки барои Тоҷикистон масъалаи бехатарии биологӣ яке аз масъалаҳои муҳим маҳсуб меёбад. Мавсуф афзуд, ки нишасти имрӯза ба масъалаҳои мубрами экологӣ -нигоҳдории гуногунии биологӣ ва таъмини бехатарии биологӣ, ки асоси онро қонунгузории байналмилалӣ-Конвенсияи Созмони Милали Муттаҳид оид ба гуногунии биологӣ ва Протоколи Картахенӣ оид ба бехатарии биологӣ ба Конвенсияи гуногунии биологӣ ташкил медиҳад, бахшида шудааст. Иштирокдорони ҷаласа доир ба ҳолати қонунгузории ҷорӣ ва асосҳои меъёрии ҳуқуқӣ дар соҳаи ҳифзи муҳити зист ва бехатарии бологӣ дар кишвар, хусусан дар доираи Протоколи Картахенӣ ва уҳдадориҳои Тоҷикистон вобаста ба шомил гардиданаш ба Созмони Чаҳонии Савдо табодули назар карданд.

Март 29, 2013 16:12

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд